Archive for ઓગસ્ટ, 2008

વાદળગાડી

વાદળગાડી

વાદળની તો ગાડી કીધી

વીજળીનું એંજિન કીધું

તારલિયાનું લશ્કર બેઠું

ડબ્બામાં સીધેસીધું (વધુ…)

ઓગસ્ટ 30, 2008 at 1:10 પી એમ(pm) 2 comments

અલ્પ શબ્દોની અભિવ્યક્તિ

મારો નાનો પૌત્ર ધ્રુવ 19 મહિનાનો થયો. તેણે હવે થોડું થોડું બોલવાનુ શરૂ કર્યું છે.
હું તેને લગભગ રોજ પાર્કમાં લઈ જાઉં છું.

 

  કોઇ દિવસ વરસાદ હોય અને તેનો પાર્કનો પ્રોગ્રામ કેન્સલ કરવો પડે તો સમજાવું છું કે બહાર ના જવાય

તે તરત જ બોલે છે” ટપટપ….એમ્બીયા(અંબ્રેલા)” એટલે કે છત્રી લઈને તો જવાય…..

હમણાં થોડા દિવસ પહેલા વરસાદ ન હતો . તેને પાર્કમાં જવાની અદમ્ય ઈચ્છા થઈ હશે અને હું ઘરમાં કામ હોવાથી ગણકારતી ન હતી.

તે બોલ્યો.”બા…બા( રોજ કરતાં વધુ લટુડા પટુડા થઇને)

મેં કહ્યું”શું છે ધ્રુવ?”

હવે તેની અલ્પ શબ્દોની અભિવ્યક્તિ જુઓ
 
 “બા…ટપટપ…ના..ના..ના”

“એમ્બીયા…ના..ના…ના”

તકો(તડકો), હીંગ…હીંગ( જ્યારે તડકો હોય ત્યારે સોફામાં તેને બેસાડીને અરીસા પર તડકો પાડી હું રીંગ બતાવતી)

પછી બોલ્યો…” હીંચા…હીંચા…સ્લા…સ્લા…સી..સો…”

ઍટલે કે વરસાદ નથી, છત્રીની જરૂર નથી, તડકો છે, રીંગો પડી શકે તેવો તડકો છે. તો ચાલો પાર્કમાં…

અને મને મઝા કરાવો હીંચકાની,સ્લાઇડની, સી-સો ની…

અને હું તેને લઇને ઉપડું છું પાર્કમાં.

ઓગસ્ટ 28, 2008 at 5:43 પી એમ(pm) 4 comments

પિતા,અમે તુજ બાળકો

પિતા,અમે તુજ બાળકો, ચલાવ ઝાલી હાથઃ

કર જોડી સૌ માંગીએ, નિત તારો સંગાથ.

જગમાં સૌ સુખિયાં હજો, સાજાં રાખો સદાયઃ

ભલું થજો સહુ કોઇનું, દુઃખ હજો ન જરાય.

સુણીએ રુડું કાનથી, રૂડું નીરખો નેણ,

હાથે રૂડાં કામ હો, રૂડાં નીસરો વેણ.

ઓગસ્ટ 27, 2008 at 3:53 પી એમ(pm) 3 comments

સાચી શ્રધ્ધાંજલિ

સત્યકથા

 

    ૧૫મી સદીમાં ન્યુરેનબેર્ગ પાસેના એક ગામમાં એક ડ્યુરર કુટુંબમાં ૧૮ બાળકો હતા. આ ૧૮ બાળકોને માત્ર બે ટાઈમનું ભોજન પૂરું પાડવા માટે તેમના પિતા કે જે એક સોની હતા તેમને દિવસના ૧૮ કલાક કામ કરવું પડતું. તેમના સૌથી મોટા બે દીકરાઓ અલ્બ્રેક અને આલ્બર્ટનું સ્વપ્ન હતું કે ખૂબ ભણીને, કળામાં પોતાની તેજસ્વીતા પ્રગટ કરવી. પણ ઘરની કંગાળ હાલત જોતાં આ સ્વપ્ન ક્યારેય સાર્થક થાય તેવું લાગતું ન હતું. તેઓ ખૂબ સારી રીતે જાણતા હતા કે તેમના પિતા એવા આર્થિક રીતે સધ્ધર ન હતા કે તેમને ન્યુરેનબર્ગની કલાની એકેડેમીમાં (સંસ્થામાં) આગળ અભ્યાસ માટે મોકલી શકે. (વધુ…)

ઓગસ્ટ 21, 2008 at 5:34 પી એમ(pm) 3 comments

ગાંધી બાપુ

વહાલા બાલમિત્રો,

તમે બધા જ આઝાદ ભારતના સંતાનો છો તમને બધાને ખૂબ ખૂબ સુખ સગવડો મળે છે.મમ્મી-પપ્પા,દાદા-દાદી, નાના-નાની, કાકા-કાકી, માસા-માસી,ફોઈ-ફુવા બધા ખૂબ જ વહાલ કરે છે અને જાતજાતની ભેટ-સોગાદો તમને આપે છે. તમે ખૂબ સારી શાળામાં ભણી શકો છો અને ખૂબ મઝા પણ કરી શકો છો. પણ તમને ખબર હશે જ કે એક વખત આપણે ભારતીય લોકો અંગ્રેજોનાં ગુલામ હતા.આપણા પૂર્વજોએ ખૂબ તકલીફો વેઠી, અનેક્સ દુઃખો સહન કર્યા. આ બધામાંથી આપણને આઝાદ કરનાર અનેક મહાન વીર પુરુષો હતા. તેઓ દેશ માટે શહીદ થયા અને આપણેને આઝાદી અપાવી. આ બધામાં ગાંધીજીનું નામ અમર છે. આપણે તેમને ગાંધી બાપુ તરીકે ઓળખીએ છીએ. તેમણે જે હિંમત અને આત્મવિશ્વાસથી બારતના લોકોને ગુલામીમાંથી મુક્ત કર્યા તે ખરેખર વંદનીય છે. તેઓ કેટલા મહાન હતા તેનું એક ઉદાહરણ આપું. સરનામામાં માત્ર Mr.Gandhi, India –લખેલો પત્ર તેમને મળી જતો…..

આવું ક્યારે શક્ય બને??? તેમણે કેટલી લોકપ્રિયતા મેળવી હશે?

મુરબ્બી શ્રી જુગલકિશોરભાઇના બ્લોગ “ગાંધી દર્શન” માંથી આ પત્ર લઈ તમારા સુધી પહોંચાડવાનો પ્રયત્ન કર્યો છે. આ બદલ જુગલકિશોરભાઇનો આભાર વ્યક્ત કરું છું.

ઓગસ્ટ 20, 2008 at 6:10 પી એમ(pm) 1 comment

કલરવનો જન્મદિવસ

તારીખ ૧૫-૮-૨૦૦૬ ના દિવસે કલરવનો જન્મ થયો.

આજે તેણે બે વર્ષ પૂરા કર્યા છે.

આપ સર્વેએ તેને જે સાથ અને સહકાર આપ્યો તે બદલ હું આપ સર્વનો ખૂબ ખૂબ આભાર માનું છું.

આપ સર્વેને આજનો યાદગાર દિવસ મુબારક હો.

ઓગસ્ટ 15, 2008 at 3:23 પી એમ(pm) 4 comments

મારે ફરી એકવાર શાળાએ જવું છે

મારે ફરી એકવાર શાળાએ જવું છે
દોડતા જઈને મારી બાંકડીએ બેસવું છે.
રોજ સવારે ઉંચા અવાજે રાષ્ટ્રગીત ગાવું છે

મારે ફરી એકવાર શાળાએ જવું છે (વધુ…)

ઓગસ્ટ 4, 2008 at 5:03 પી એમ(pm) 6 comments


વિશ્વ ગુર્જર બાળકો માટે, મનગમતી પ્રવૃત્તિઓનો ખજાનો

વાંચકોની સંખ્યા

  • 209,318 વાંચકો

દિવસવાર ટપાલ

ઓગસ્ટ 2008
સોમ મંગળ બુધ ગુરુ F શનિ રવિ
« જુલાઈ   સપ્ટેમ્બર »
 123
45678910
11121314151617
18192021222324
25262728293031

મહિનાવાર ટપાલ