મારે ફરી એકવાર શાળાએ જવું છે

ઓગસ્ટ 4, 2008 at 5:03 પી એમ(pm) 6 comments

મારે ફરી એકવાર શાળાએ જવું છે
દોડતા જઈને મારી બાંકડીએ બેસવું છે.
રોજ સવારે ઉંચા અવાજે રાષ્ટ્રગીત ગાવું છે

મારે ફરી એકવાર શાળાએ જવું છે

નવી નોટની સુગંધ લેતાં લેતાં પહેલા પાને

સુંદર અક્ષરે મારું નામ લખવું છે.

મારે ફરી એકવાર શાળાએ જવું છે

રીસેસ પડતાં જ વોટરબેગ ફેંકી

 

 

નળ નીચે હાથ ધરી પાણી પીવું છે.

મારે ફરી એકવાર શાળાએ જવું છે

જેમ તેમ લંચબોક્સ પુરું કરી

મીઠું મરચું ભભરાવેલ

આમલી-બોર્-જામ

ફળ-કાકડી બધું ખાવું છે.

 

 

મારે ફરી એકવાર શાળાએ જવું છે

સાયકલના પૈડાનો સ્ટમ્પ બનાવી ક્રિકેટ રમવું છે

બૂટમાજાંને દૂર ફગાવી દઈ ખુલા પગે ઝાડ પર ચડવું છે.

મારે ફરી એકવાર શાળાએ જવું છે

કાલે વરસાદ પડે તો નિશાળે રજા પડી જાય

એવા વિચારો કરતાં રાતે સૂઈ જવું છે

અનપેક્ષિત રજાના આનંદ માટે

મારે ફરી એકવાર શાળાએ જવું છે

છૂટવાનો ઘંટ વાગવાની રાહ જોતાં

મિત્રો સાથે ગપ્પા મારતાં વર્ગમાં બેસવું છે

મારે ફરી એકવાર શાળાએ જવું છે

ઘંટ વાગતાંની સાથે જ મિત્રોનું કુંડાળું કરીને

સાયકલની રેસ લગાવતાં ઘેર જાવું છે

મારે ફરી એકવાર શાળાએ જવું છે

રમત-ગમતના પિરિયડમાં તારની વાડમાંના

બે તાર વચ્ચેથી સરકી બહાર ભાગી જાવું છે

તે ભાગી જવાની મોજ અનુભવવા

મારે ફરી એકવાર શાળાએ જવું છે

દિવાળીના વેકેશનની રાહ જોતાં

માસિક પરીક્ષાનો અભ્યાસ કરવો છે

 

 

મારે ફરી એકવાર શાળાએ જવું છે

દિવસભર માટીનો કિલ્લો બાંધીને માટીને પગથી તોડી

હાથપગ ધોયા વિના ફરાળની થાળી ખાવા બેસવું છે

મારે ફરી એકવાર શાળાએ જવું છે

રાતે ઝાઝાબધા ફટાકડા ફોડ્યા પછી

તેમાંથી ન ફૂટેલા ફટાકડા શોધતાં ફરવું છે

મારે ફરી એકવાર શાળાએ જવું છે

વેકેશન પત્યા પછી બધી ગમ્મતો દોસ્તોને કહેવા

રડમસ ચહેરો લઈને, હસતા રુદિયાની સાથે

મારે ફરી એકવાર શાળાએ જવું છે

કેટલીય જવાબદારીઓના બોજ કરતાં

પીઠ પર દફ્તરનો બોજ લગાડવો છે

મારે ફરી એકવાર શાળાએ જવું છે

ગમે તેવી ગરમીમાં એરકન્ડીશન્ડ ઓફિસ કરતાં

પંખા વિનાના વર્ગમાં બારી ખોલી બસવું છે

મારે ફરી એકવાર શાળાએ જવું છે

બાળપણ પ્રભુની દેણ છે

તુકારામના એ અભંગનો અર્થ

હવે થોડો સમજમાં આવવા માંડ્યો છે

તે બરાબર છે કે નહીં તે સરને પૂછવા

મારે ફરી એકવાર શાળાએ જવું છે

 

અમી દવે પટેલ

Advertisements

Entry filed under: બાળકાવ્યો, Nursery Rhymes.

જમ્પ!!!!!!!!!!!! કલરવનો જન્મદિવસ

6 ટિપ્પણીઓ Add your own

  • 1. pragnaju  |  ઓગસ્ટ 5, 2008 પર 9:28 પી એમ(pm)

    બચપણ પ્રભુની દેણ છે તુકારામના એ અભંગનો
    અર્થ હવે થોડો સમજમાં આવવા માંડ્યો છે.
    એ બરાબર છે કે નહી તે સાહેબને પુછવા માટે…
    મારે ફરી એકવાર શાળાએ જવું છે.
    આપણા બધાની તે દિવસોની લાગણીની બહુ સરસ અભિવ્યક્તી

    જવાબ આપો
  • 2. સુરેશ જાની  |  ઓગસ્ટ 16, 2008 પર 2:20 એ એમ (am)

    અમી કોણ?

    જવાબ આપો
  • 3. વિવેક ટેલર  |  સપ્ટેમ્બર 4, 2008 પર 7:32 એ એમ (am)

    સુંદર રચના…

    જવાબ આપો
  • 4. parash  |  ડિસેમ્બર 12, 2011 પર 6:10 પી એમ(pm)

    mare pan nishale jaaaavuuuu chhhhhhhheeeeeeeeeeee

    જવાબ આપો
  • 5. નીતીન પટેલ  |  ડિસેમ્બર 30, 2011 પર 3:52 એ એમ (am)

    સરસ , શાળાની યાદ આવી ગઇ.

    જવાબ આપો
  • 6. Mahendra Thanwani  |  ઓગસ્ટ 27, 2013 પર 9:10 એ એમ (am)

    ખરેખર મારે ફરી નિશાળે જવું છે – Mahendra Thanwani

    જવાબ આપો

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s

Trackback this post  |  Subscribe to the comments via RSS Feed


વિશ્વ ગુર્જર બાળકો માટે, મનગમતી પ્રવૃત્તિઓનો ખજાનો

વાંચકોની સંખ્યા

  • 214,855 વાંચકો

દિવસવાર ટપાલ

ઓગસ્ટ 2008
સોમ મંગળ બુધ ગુરુ F શનિ રવિ
« જુલાઈ   સપ્ટેમ્બર »
 123
45678910
11121314151617
18192021222324
25262728293031

મહિનાવાર ટપાલ


%d bloggers like this: