અમે ચાંદો સૂરજ રમતા’તા

અમે ચાંદો સૂરજ રમતા’તા

રમત રમતા કોડી જડી

કોડી મેં ગાયને બાંધી

ગાયે મને દૂધ આપ્યું

દૂધ મેં મોરને પાયું

મોરે મને પીંછું આપ્યું

પીંછું મેં ગોવાળને આપ્યું

ગોવાળે મને બળદ આપ્યો

બળદ મેં બાવળે બાંધ્યો

બાવળે મને શૂળ આપ્યું

શૂળ મેં ટીંબે ખોસ્યું

ટીંબાએ મને માટી આપી

માટી મેં કુંભારને આપી

કુંભારે મને ઘડો આપ્યો

ઘડો મેં નદીને આપ્યો

નદીએ મને પાણી આપ્યું

પાણી મેં માળીને આપ્યું

માળીએ મને ફૂલ આપ્યા

ફૂલ મેં નહાદેવને ચઢાવ્યા

મહાદેવ મને ભાઈ આપ્યો

ભાઇ મેં બાને આપ્યો

બાએ મને લાડુ આપ્યો

લાડુ હું ખાઇ ગયો