Archive for ફેબ્રુવારી, 2010

ગુજરાતી શીખીયે-શીખવીયે-1

આજથી આપણે   ગુજરાતીભાષા  શીખીયે-શીખવીયે શ્રેણી શરૂ કરીયે છીએ.

સમાન આકાર ધરાવતા અક્ષરોથી શરૂઆત કરીએ.આપ આપનાં બાળકોને ગુજરાતી શીખવવા માંગતા હો તો ચિત્રમાં લખેલા અક્ષરોનો  ઉચ્ચાર કરો અને બાળક પાસે બોલાવો. તેનાં કાર્ડ બનાવી દીવાલ પર ચોંટાડો. જેથી બાળક વારંવાર તે જોઇને બોલવા પ્રેરાશે.

પ્રથમ ક-ડ-ઠ-હ- અને ફ અક્ષરોથી તેને પરિચિત કરો

.

ફેબ્રુવારી 23, 2010 at 7:07 એ એમ (am) 2 comments

ગ્રામમાતા

(શાર્દૂલવિક્રીડિત)

 ઊગે છે સુરખી ભરી રવિ મૃદુ હેમંતનો પૂર્વમાં,

ભૂરું છે નભ સ્વચ્છ સ્વચ્છ, દીસતી એકે નથી વાદળી;

ઠંડો હિમભર્યો વહે અનિલ શો, ઉત્સાહને પ્રેરતો,

 જે ઉત્સાહ ભરી દીસે શુક ઊડી ગાતાં, મીઠાં ગીતડાં !

(માલિની)

મધુર સમય તેવે ખેતરે શેલડીના,

રમત કૃષિવલોનાં બાલ નાનાં કરે છે;

કમલવત્ ગણીને બાલના ગાલ રાતા,

રવિ નિજ કર તેની ઉપરે ફેરવે છે !

(અનુષ્ટુપ)

વૃદ્ધ માતા અને તાત તાપે છે સગડી કરી,

અહો ! કેવું સુખી જોડું કર્તાએ નિરમ્યું દીસે !

(વસંતતિલકા)

ત્યાં ધૂળ દૂર નજરે ઊડતી પડે છે,

ને અશ્વ ઉપર ચડી નર કોઈ આવે

ટોળે વળી મુખ વિકાસી ઊભા રહીને,

 તે અશ્વને કુતૂહલે સહુ બાલ જોતાં !

(મંદાક્રાન્તા)

 ધીમે ઊઠી, શિથિલ કરને, નેત્રની પાસ રાખી,

વૃદ્ધા માતા, નયન નબળાં, ફેરવીને જુએ છે;

ને તેનો એ, પ્રિય પતિ હજુ, શાંત બેસી રહીને,

જોતાં ગાતો, સગડી પરનો, દેવતા ફેરવે છે.

(અનુષ્ટુપ)

 ત્યાં તો આવી પહોંચ્યો એ, અશ્વ સાથે યુવાન ત્યાં;

કૃષિક, એ ઊઠી ત્યારે ‘આવો, બાપુ !’ કહી ઊભો.

(શાર્દૂલવિક્રીડિત)

‘લાગી છે મુજને તૃષા, જલ જરી દે તું મને’ બોલીને

અશ્વેથી ઊતરી યુવાન ઊભીને ચારે દિશાએ જુએ;

‘મીઠો છે રસ ભાએ! શેલડી તણો’ એવું દયાથી કહી,

 માતા ચાલી યુવાનને લઈ ગઈ જ્યાં છે ઊભી શેલડી !

(વસંતતિલકા)

પ્યાલું ઉપાડી ઊભી શેલડી પાસ માતા,

છૂરી વતી જરીક કાતળી એક કાપી;

ત્યાં સેર છૂટી રસની ભરી પાત્ર દેવા,

ને કૈં વિચાર કરતો નર તે ગયો પી.

 (અનુષ્ટુપ)

‘બીજું પ્યાલું ભરી દેને, હજુ છે મુજને તૃષા,’

કહીને પાત્ર યુવાને માતાના કરમાં ધર્યું.

 (મંદાક્રાન્તા)

 કાપી કાપી ફરી ફરી અરે ! કાતળી શેલડીની,

 એકે બિંદુ પણ રસતણું કેમ હાવાં પડે ના ?

 ‘શુ કોપ્યો છે પ્રભુ મુજ પરે !’ આંખમાં આંસુ લાવી,

 બોલી માતા વળી ફરી છૂરી ભોંકતી શેલડીમાં

 (અનુષ્ટુપ)

‘રસહીન ધરા થૈ છે, દયાહીન થયો નૃપ;

 નહિ તો ના બને આવું;’ બોલી માતા ફરી રડી.

(વસંતતિલકા)

એવું યુવાન સુણતાં ચમકી ગયો ને માતાતણે પગ પડી ઊઠીને કહે છે : ‘

એ હું જ છું નૃપ, મને કર માફ ! બાઈ !

એ હું જ છું નૃપ, મને કર માફ ! ઈશ !’

(શાર્દૂલવિક્રીડિત)

‘પીતો’તો રસ હું પ્રભુ ! અરે ત્યારે જ ધાર્યું હતું,

આ લોકો સહુ દ્રવ્યવાન નકી છે, એવી ધરા છે અહીં;

છે તોયે મુજ ભાગ કૈં નહીં સમો, તે હું વધારું હવે,

શા માટે બહુ દ્રવ્ય આ ધનિકની, પાસેથી લેવું નહીં ?

(ઉપજાતિ)

 રસ હવે દે ભરી પાત્ર બાઈ ! પ્રભુક્રુપાએ નકી એ ભરાશે;

સુખી રહે બાઈ! સુખી રહો સૌ, તમારી તો આશિષ માત્ર માગું !’

(વસંતતિલકા)

 પ્યાલુ ઉપાડી ઊભી શેલડી પાસ માતા,

છૂરી વતી જરી જ કાતળી એક કાપી;

ત્યાં સેર છૂટી રસની ભરી પાત્ર દેવા,

બ્હોળો વહે રસ અહો ! છલકાવી પ્યાલું !

ફેબ્રુવારી 1, 2010 at 7:25 એ એમ (am) 1 comment


વિશ્વ ગુર્જર બાળકો માટે, મનગમતી પ્રવૃત્તિઓનો ખજાનો

વાંચકોની સંખ્યા

  • 209,318 વાંચકો

દિવસવાર ટપાલ

ફેબ્રુવારી 2010
સોમ મંગળ બુધ ગુરુ F શનિ રવિ
« જાન્યુઆરી   માર્ચ »
1234567
891011121314
15161718192021
22232425262728

મહિનાવાર ટપાલ